The Beatles member pali biopic siam dawn

British rock band kum 1960-a Liverpool-a din, The Beatles member pali John Lennon, Paul MCartney, George Harrison, leh Ringo Starr-te biopic siam a ni dawn a, Sam Mendes a direct tura tih a ni. Beatles member palite chanchin, an hun tawn dan hrang hrang tarlanna tur a ni.

The Beatles biopic-ah hian script ziak turin Tony Award lo dawng tawh Jez Butterworth, Academy Award lo dawng tawh Peter Straughan, leh BAFTA leh Tony Award pawh lo dawng tawh Jack Thorne-te thlan chhuah an ni. Sony Pictures leh Neal Street Production ten an produce bawk ang.

Film chang tur hian John Lennon lemah Harris Dickinson, Ringo Starr lemah Barry Keoghan, Paul McCartney lemah Paul Mescal, leh George Harrison lemah Joseph Quinn te an chan tur thu tih chian a ni tawh bawk. The Beatles biopic hi Sony Pictures chuan khawvel puma en theih turin April 2028 khian tih chhuah hman an tum.