Kangana Ranaut Hollywood lamah zunglut

Bollywood star, politician, leh Lok Sabha member ni bawk Kangana Ranaut chuan Hollywood lam panin a leading role hmasa ber tur atan horror drama, 'Blessed Be the Evil' film-ah a in lan dawn. Lion Movies kutchhuakah hian Ranaut bakah Tyler Posey leh Scarlet Rose Stallone te an in lan dawn bawk.

Film thar hi kumin nipui lai hian New York-ah shooting neih ṭan tur niin, producer lam hian tun hnaia Trump-a chhiah tih pun avangin US - shooting neih chu an thlangfel ta niin an tarlang bawk. Horror drama-ah hian Anurag Rudra chu director a nih bakah screenplay pawh Lions Movies president leh founder ni bawk Gatha Tiwary nen an ziak dun a ni. Ranaut hian ama direct, 'Emergency' tih film -ah khan Prime Minister Indira Gandhi lem a lo chang tawh a, he film hi kumin kumtir khan tih chhuah a ni.