June-ah ITZY rawn kir dawn

Korean girl group member panga awmna, ITZY chuan an album 'GOLD' an tih chhuah aṭanga thla riat dawn a liam hnuah an rawn kir leh dawn tih an puang. Yeji, Lia, Ryujin, Chaeryeong leh Yuna te telna group hian an album thar tur atan inbuatsaihna an nei mek niin an sawi a, June thlaah tih chhuah an tum.

South Korea media-ah ITZY rawn kir leh tur puan a nih hnuah an agency chuan thuchhuah siamin, an hmalakna ṭhenkhat an rawn sawi ve nghal bawk. JYP Entertainment chuan, "ITZY chu June thla hian rimawi khawvela rawn kir turin an inbuatsaih mek a, chanchin kimchang puan thuai a ni ang, tiin an sawi.