Fashion Fiesta Paris Fashion Week

Fashion lama kei ka ni inti tena an ngaih pawimawh leh chhim ngei tura an lo suangtuah ṭhin, hman kar khan khar a ni ta a. Paris Fashion Week Spring 2017 neih takah khan mimal taka ka ngainat leh khawvel brand lar leh lian Chanel chuan an collection Karl Legerfeld siam chhuah chu mipui min rawn hlui leh a, mit a tlai leh hle. Kum danga Chanel Fashion show ang bawkin milar leh mi hausa te an fuankhawm hneh leh hle a, an stage decorations an cheibawl dan chu a dangdaiin,
ṭhenkhat fashion lama tui ve lo tan phei chuan hriatthiam chi niin a lang lo.

Tluangpuii Hmar

Instructress

Vakiria Institute of Fashion Technology

Paris Fashion Week neihna hmun, Grand Palais chu tihdanglam a ni a, an theme mil turin computer processors lian tak anga cheibawl a ni a, a karah model veivelna siam a ni.Milar zingah Lily rose depp te, Usher leh Courtney Love leh a fanu Frances Bean Cobain chu seat hma lama milar thu langsar zualte an ni. Kumdang ang lo deuhin model tu tih hriat loh, Chanel robots lukhum khuma Chanel thawmhnaw inbel chuan show hi hawn a ni a. Hemi te zawhah hian model tam tak rawn kal chhuak rual vekin Arizona Muse chuan hma a rawn hruai a, pawnfen chhing tei leh jacket thawl lam nen, rawng lar tak a rawn inbel chhuak a. An show-a model zawng zawng deuh thawin baseball lukhum kan tih mai ṭhin, tweed puan leh rawng inkal thelh deuha chei te a sir zawngin an khum far a. An sam pawh ṭhalai awm ṭha duh lo ang deuhin, felfai taka ti loin, a sirah an ṭawn phei vek hlawm a, Chanel hairstylist Sam McKnight chuan an thawmhnaw mil turin an sam hi a rawn duangchhuak thiam hle.

An accessories lam pawhin hma sawnin, Chanel bag logo inziak satliah tawh loin technology-a kan san tawhzia tihlanna ni pahfawmin lights te fit a ni a, ken paha a Íng thei tura siam te, leather bag cutwork, a chhung lam aṭanga rawn inkap Íng te kan hmu bawk, a dangdai phian. He Fashion show tidanglam lehzual turin show dang ang lo takin model ten pheikhawk sang, sexy tak tak an bun lo a, Chanel chuan pumps pheikhawk pum hniam tÍ, a heel block siamin, hetiang chi boots te a ṭhenah kan hmu a, hemi bakah hian heng an bun loh ch‚ng hian ballerina flats kan tih ang chi, classic chanel ballet flats an rawn bun chhuak bawk. Ni danga sang pui pui buna tluksual palh hlau tan chuan a zia phian ta ve ang.

He show ti≠hlawh≠tling tura Karl-in a mi ngaihsan leh duh≠zawngte ramp-ah a kal tir bawk a, Soo Joo Park te, Louise Parker te leh Edie Campbell te a langsar pawl niin, he show tihlawhtlingtu berte pawh an ni. A collection hi a tlangpuiin technology lam rawngkai a ni a, a rawng pawh lar leh langsar lam an hmang nasa a, tlema tleirawl leh ṭhalaite ngainat zawng tak tur a ni. Amaherawhchu anmahni brand style, tweed jacket leh pawnfen te thlauh thla chuang miah loin, a tunlai thei ang bera duan a ni e.

LV Louis Vuitton brand ve thung aw. Place Vendome hmunah neiin LV designer Nicolas Ghesquiere chuan a collection te mipui hmuhah a rawn phochhuak a. An collection kalhmang a sawi lak, in-cut sawm te leh kekawr tight over te chu a ni. A hmunhma chu Chanel te nen danglam daihin French-ho hmanlaia an salon (beauty Parlour) ang deuhin an show neihna hmun chu cheibawl a ni a. Ṭhuṭhlenga nghenchhan sei tak dum inrem tlarin mipui ṭhutna tana duan a ni. Nicolas ngaihsante leh phurpuitu ṭhahnem tak fuankhawmin Michelle Williams, Jennifer Connelly te leh Miranda Kerr ten an rawn ṭawiawm a. A hmasa ber atan model-in kawr sawi laka cut sawm, a kawnga in-cut kua, a kawnghren atana ribbon duma kilhbehna awm inbelin a rawn inlan a. Season thar apiang hian LV hian an brand tilartu leh chhuanvawr Bag design thar an phochhuak ziah ṭhin a. Mahse kumdang ang lo takin heng bag aimaha mit latu chu phone case an siamchhuah, Petite Malle an tih chuan mi lawm a hlawhin mit a la hle. Pheikhawk lam pawh trend thar rawn phawrhin a hmawr zum, boot ch‚wn chanve chen te a ni hlawm a. Rawng hrang hrang, gold aṭanga a dum thlengin kan hmu a ni. An collection kan en chuan 80ís chhoa an uar kha rawn tilar lehin lukhum, lu tuamna chi khat, turban dum te, skinny pants, kekawr tlawn tle zar te, sweatshirt gold rawng mar ṭang te kan hmu thei awm e.