Khawvela in säng berah V (BTS) piancham lawmna

Khawvela in säng ber chu Dubai khawpuia Burj Khalifa building hi a ni. He ina bâng säng takah hian advertisement an tarlang ṭhin a, a man a to bakah mi bîk tán lo chuan tih mai mai theih a ni lo - he building banga piancham an lawmsak tawh awm chhun chu Bollywood star Shah Rukh Khan a ni - a pahnihna tur chu BTS star  Kim Tae-Hyung a ni.

'V' tia khawvelin a hriat Korean zaithiam Taehyung-a hian December 30-ah kum 25 a tling dâwn. He a piancham hi amah ngaisangtu pawl 'China V Bar' chuan ropui taka läwm an tum - Burj Khalifa bangah hian V piancham pual hun hmanna tihlan a ni ang.

Birthday lawmpuina hi minute thum chhung a lang dâwn a, light leh sound ropui tak nen kalpui a ni ang a, Taehyung-a hla lar hmasa Winter Bear an play ang.

V piancham hi December 30 ni mah se, khawvela in säng bera a piancham pual hun an hman hi India sanaah chuan December 29 tlai dár 8:20-ah chiah a ni ang.

Pawisa nei naranin he inah hian an duh zawng (advertisement) an pho chhuak ngawt thei lo a, mi bîk nih a ngai. Hetianga Taehyung-a piancham puala hun an hmang thei tur hi China V Bar pawh an läwm hle a, "Hun rei takah khan dilna kan thehlut tawh a, kan dilna an endik a, an siam ṭha a, an ennawn leh hnuah khawvel huapa Taehyung-a huhang a lo len em avang leh a thil ṭha lo tih tawhte avangin K Pop artist zinga mimala Burj Khalifa-a lang hmasa ber a ni dâwn a, minute thum chhung light and sound show kan nei thei dâwn a ni, "an ti.