Muanawmi Chhakchhuak Music khawvelah hnuhma a neih belh zel

Lunglei Bazar Veng nula, Muanawmi Chhakchhuak chuan music video thar a peih leh ta a, a music video thar hi 'Lalpa ka lawm e' tih hla a ni. He hla hi a music video pathumna a ni.

Muanawmi Chhakchhuak hian John Mawitea leh Mapuii Fanai te hla 'Nang leh kei' tih leh 'Ṭhian rinawm' tih hlate music video-in a lo tichhuak tawh a, tuna mi hi a music video pathumna a ni a, John Mawi≠tea leh Mapuii Fanai te hla phuah tho a ni. Music hi Kima Chhangte siam a ni a, EFX Studio, Lunglei-ah a record a, aerial shooting hi Joseph LR kutchhuak niin, video hi Peter Video Production chuan an siam thung. Wardrobe hi Lemy G a ni a, make-up hi Tluangi kuthnu a ni.

Muanawmi Chhakchhuak hian mimal music video pathum a siam tak bakah hian music video dangah pawh hnuhma a lo nei ṭha tawh hle. Lunglei Bazar YMA tena music video an siam 'German Rallian'-ah khan main vocal ber a ni a, tunhnaia Ṭhazual chart-ah pawh lang thei, Lunglei Givt. College music video-ah pawh khan a zai bawk.

Muanawmi hla phuahtu, Mapuii Fanai leh John Mawitea te hian hmachhawp lian tak an nei mek a, Mizote music lama min tihmasawntu tur lian tak a tling ang. Tunah hian an nupain electronic music lam an buaipui mek. Khawvel changkang zelah electronic music huhang a lian tial tial a, chumi lamah chuan Mizoten tawnhriat kan la ngah lo hle. John Mawitea leh Mapuii Fanai te hian kan la hmelhriat tam loh hi min rawn hlui dawn. Tunah hian EDM, Dubstep, tropical leh hetiang lam chi hi an buaipui mek.