Jowai-ah Shai Hills

Jowai, Meghalaya-a FETE awm turah Mizo band, Shai Hills chu zai tura sawm an ni. FETE hi festival pakhat a ni a, kum tinin Jowai-a veng hrang hrangah nghah kual a ni ṭhin a, Mizo band te an lo che fo tawh a, The Breeze, Kroashia, Scavenger Project leh band eng emaw zat an lo zai tawh ṭhin a ni.

Shai Hills hi kum 2015-a din ṭan chauh kha a ni. Hemi kum hian Goa-a restaurant pakhatah contract a awm a, chumi atan chuan chawpchilh takin he band hi siam a ni. An vocalist hi Crystal Malsawmi a ni a, Jonah Ralte chu an guitar niin, Bruce Pachuau chu an bassist a ni. Keyboard hi Makima Chawngthu chuan a chang a, RSA chu an drummer a ni. Mi hla hrang hrang an sa ṭhin a, an original an sa meuh lo. An hla sakte hi 60's chhoa mi aṭanga tunlaia mite thlengin a ni a, chung zingah pawh chuan The Beatles, Abba, Queen, Culture Club, Journey, Bryan Adams, Firehouse, Shania Twain, Peter Andre, Adele, Amywinehouse, Magic, Ed Sheeran, John Mayer, The Weeknd, Bruno Mars, Jessie J, Megan Trainor te an sa nasa. Tunah hian India ram khawpui lian hrang hranga zai theihna tur chance an ngaihtuah mek.