Disney-ah khan Miley-i'n hlawh an pe tlemin a ti

Hannah Montana aṭanga rawn lar chhuak a, tun thenga khawvel hmeichhe lar berte zinga Miley Cyrus chuan a hlawhtlinna Hannah Montana kha hlawh lamah chuan a tan chuan a ṭha vak lo niin a sawi.

Elle chanchinbuin an kawmnaah Miley Cyrus chuan Hannah Montana-ah khan a phu t‚wk aia tlem daih pawisa an pe a ni a ti. Disney show hlawhtling Hannah Montana kha kum 2006 aṭanga 2011 chhunga chhuah a ni a, kum 13 mi chauh a nih lai
aṭangin Miley hian a chang ṭan a ni.

Miley chuan, "Khata a changtute zingah khan hlawh tlem ber ka ni mai thei a, ka hlawh chung≠chang sawi chhuak ta ila min sawisa duh maiin ka ring. Khatihlai khan thil ṭha zawk engmah ka la hre lo," a ti. "TV show khan ka hming a pu a, mahse ka hming kha ka ta a ni lo," a ti. A hming aṭanga sum lut kha amah tak chuan a chang tlem a, sum siam nan an hmang ni berin a hria a ni. "Ka nu chuan naupangte hminga miin sum an hailut vak vak a, a hming pututen hlawkna an chan vek ang kha a duh loh avangin a hnuah chuan keimah min ṭanpui turin mi dang a ruai ta a ni," a ti.