Thangromawia A hmun ngaiah a rawn kir

Pakhatna ṭum khat a rawn luah a, a tawlh thla a, chuai lam a pan mai dawn emaw tih a nih laiin Thangromawia chu Hontrade International Ṭhazual Lengzema hmun chungnung berah a rawn kir leh ta.

'Chhing mitin' tih hla chu Thangromawia hian a rawn hlawhtlinpui leh a, pakhatna a luah hnuah Rachel Lalnunkimi a rawn lang a, chumi hnuah pakhatnaah a rawn kir leh ta. Pakhatnaa ṭum hnih a awmna a ni.

Racheli hla 'Ka phur zo lo' hi a hit viau a, mahse Thangromawia, a ngam hnu a ngam loh leh avangin pahnihnaah a chhuk thla. He hla hi Rachel-i tan solo-a a music video hmasa ber a ni a, nikum Krismas dawn khan David Vanlalpeka leh Feli Thangluah te nena an sak kha a chhuak.

Pathumnaah F. Zomuanpuia hla 'Min hnÍm la' tih a la awm a, ṭum hnih pathumnaah a awmna a ni. Parukna aṭangin Sangkimi Khiangte chu palinaah a rawn kai chho a, DJ Lalvenhimi panganaah a awm; ani hi a hmasa khan palina a ni.

Top 10-ah a thar pahnih kan hmu. Josephine Lalawmpuii hi 'Chhingkhual di' nen Top 10-ah a rawn lang thar a, a hla dang 'I lo ni reng si' chu pasarihnaah a la awm mek. BOG, Hlimhlimi leh Ricky Drac te sak 'Runah' tih chu pariatnaah a rawn lang thar bawk. Top 10 aṭangin Ruatpuii Rokhum ft Project Fishtail 'Lenglai a rual lo' tih leh, Tetea hla 'Lenghermawi' tihte chu a chhuak.

Hontrade International Ṭhazual Lengzem

1. Thangromawia - Chhing mitin

2. Rachel Lalnunkimi - Ka phur zo lo

3. F. Zomuanpuia - Min hnem la

4. Sangkimi Khiangte - Lunglam ka vai

5. DJ Lalvenhimi - Ṭhian rinawm

6. C. Sanga - Kan ram tan i thawk ang u

7. Josephine Lalawmpuii - I lo ni reng si

8. BOG, Hlimhlimi, RickyDrac - Runah

9. Tharpuia - Ka hmangaih reng ang che

10. Josephine Lalawmpuii - Chhingkhual Di