Billboard Woman of the Year Madonna

Tar alamah Madonna hi a inla sexy tiin mi tam takin sawi mah se, music khawvelah chuan a tleirawl lai ai mah≠in a hlawhtling a, hei vang pawh hian a niang, Billboard chuan kumin December thla hian Woman of the Year chawimawina a pe dawn.

December 9 khian New York City-a 11th Billboard Women in Music hun an hman turah Billboard chuan Woman of the Year chawimawina hi a hlan dawn. He chawimawina hi Beyonce Knowles, Taylor Swift, Katy Perry leh Lady Gaga te pawhin an lo dawng tawh a ni.

Billboard-in a tarlan dan chuan Madonna hian hlawhtling takin Rebel Heart tour a nei a, hmeichhe concert tour zinga sum lalut hnem ber pawl a tling a ni. Ticket maktaduai khat chuang a hralh a, heng aṭang hian USD mtd 170 zet a lalut. Heng a hlawhtlinna avangte hian chawimawina hi an hlan dawn a ni.