Nobel Prize sem huna a kal tur leh tur loh Bob Dylan-a'n a la sawi lo

Nobel Prize for Literature a dawng a, mahse Nobel Prize sem hun, December thlaah a tel dawn leh dawn loh Bob Dylan hian engmah a la sawi chhuak lo.

December thla hian Stckholm, Sweden-ah Nobel Prize dawng turte hi an kal khawm ang a, chawimawina hi an hlan dawn a ni. Hetah hian Bob Dylan hian a tel tur leh tur loh engmah a la sawi chhuak lo a, mahse Swedish Academy chuan a tel ngei ang an ti thung.

Permanent Secretary of the Swedish Academy, Prof. Sara Danius chuan a thawhpui hnai tak hnenah email a thawn tawh tih a sawi a, chh‚n lÍtna pawh a dawng tih sawiin, "Nobel Prize sem hunah hian a kal dawn leh dawn loh engmah sawi lo mah se, keini tan chuan tuna a chh‚nna kan hmuh hi a t‚wk rih e," a ti. "Ka mang a ang hran lo a, a rawn inlan ngeiin ka ring," a ti.

Bob Dylan hian chawimawina an hlan tur chungchang, Nobel Prize thuah engmah a la sawi chhuak lo a, khawthlang chanchinbute chuan la buai rih em vang a nih an rin thu an sawi. California-a Desert Trip festival a hman hnuah a khuaah a haw leh deuh chauh tih an tarlang.