Taylor Swift leh Jennifer Lopez-te'n Lady Gaga Covid-19 Concert zawm dawn

Lady Gaga hmalaknaa neih tur 'One World: Together At Home' concert-a zai tur zaithiam an pun belh zel a, Taylor Swift, Jennifer Lopez, Celine Dion, leh Sam Smith-te pawhin Gaga an zawm dawn thu an sawi a, anni bakah hian Oprah Winfrey, Camila Cabello, Alicia Keys, Usher leh midang eng emaw zat inlan tur an awm tawh bawk.

Inrinni lo awm turah hian 'One World: Together At Home' concert hi neih a ni dawn a, Gaga hian hemi atan hian Global Citizen leh World Health Organisation-te thawhpuiin Paul McCartney, Elton John, Chris Martin, Lizzo, Billie Eilish, John Legend, Kacey Musgraves, leh Keith Urban-te chu an inlan dawn thu tarlan a lo ni tawh bawk. Bollywood lam aṭangin Priyanka Chopra Jonas leh Shah Rukh Khan-te chu inlan tur zingah an tel bawk a ni. Swift, Lopez leh Dion-te hian Alicia Keys, Usher, Pharrell Williams-te bakah pop couple Shawn Mendes leh Camila Cabello-te an zawm dawn tih a chian takah hian he home concert hi a hlu sawt hle. 

Oprah Winfrey, Ellen DeGeneres, Matthew McConaughey, Victoria Beckham, Lupita Nyong'o, LL Cool J, Amy Poehler, leh Awkwafi na-te inlanna tur show hi Stephen Colbert, Jimmy Kimmel, leh Jimmy Fallon-te'n an host dawn a, EST zan dar 8-ah show hi Global Citizen Instagram leh Facebook page-te bakah digital platform hrang hrangah livestream a ni ang.

Global Citizen hotute chuan Inrinni vek EST tlai dar 2 aṭangin darkar ruk zet pre show an buatsaih dawn bawk a, hetah hian zaithiam hrang hrang zai tur an awm a, chung zingah chuan John Legend, Jennifer Hudson, Sheryl Crow, Lady Antebellum, Charlie Puth, Hozier, Michael Buble, Annie Lennox, Common, The Killers, Luis Fonsi, Adam Lambert, leh new mum Maren Morris-te pawh an tel a ni. Chumai a la ni lo a, Samuel L. Jackson, Sarah Jessica Parker, Liam Payne, Niall Horan, Don Cheadle, Rita Ora, Ellie Goulding, Keisha, Heidi Klum, Billy Ray Cyrus, James McAvoy, Jessie J, leh Becky G-te pawh an rawn inlan dawn a, 'One World: Together At Home' hi a theuneu dawn lo hle. Coronavirus relief fund atan hian Gaga hian $mtd 35 a hmu chhuak tawh a, 'One World: Together at Home' main show erawh hi chu 'telethon' (pawisa hmuhna tura broadcast) tur ngawr ngawra ruahman a nih loh thu a sawi thung. Mipuite chu show 'enjoy' tura a duh mai thu a sawi a ni.