GOT Actor Kristofer Hivju Covid-19 lakah fihlim tawh

'Game of Thrones'-a Tormund Giantsbane lema chang, Kristofer Hivju chu hun eng emaw chen Covid-19 a vei avanga enkawl a nih hnuah Idris Elba, Tom Hanks, leh Sara Bareilleste hnungzuiin a dam ve leh ta. Norwegian actor hian Thawhṭanni khan a nupui nen an dam leh tawh thu Instagram-ah a sawi a, kar eng emaw zat khung hrang a, enkawl an nih hnuah an dam leh ta tih leh an dam hnuah pawh ni eng emaw zat chu pawn an la chhuah loh thu a sawi a ni. Covid-19 tuar nasatna hmuna awm te chu an ngaihtuah hle tih sawiin, coronavirus vanga an chhung te chantate pawh an tawrhpui thu a sawi bawk.