'High School Musical' star reunion zaninah

'High School Musical' fan-te tana thu hriat nuam tak tur a awm a, zanin hian 'High School Musical'- te'n video chat an neih hona chu tih chhuah a ni dawn. Zac Efron leh a 'High School Musical' castmate-te hi Disney Family Singalong programme-ah an inlan dawn a, video chat an neihah hian We're All in This Together" ngei kha an sak ho beisei a ni. Vanessa Hudgens-in Disney movie-a a chanpuite nen Zoom call an nei lai a 'share' hnu lawkah director Kenny Ortega chuan Disney special show-a an inlan ho tur thu hi a sawi.

Zac Efron leh Venessa bakah hian Ashley Tisdale, Corbin Bleu, Monique Coleman, leh Lucas Grabeel-te pawh an tel a ni. Disney Family Singalong hunah hian Ariana Grande, Demi Lovato leh Michael Buble-te pawh an tel dawn. Zanin hian US ram huna zan dar 8-ah pek chhuah a ni dawn a, ABC-in a broadcast ang.