American Idol show neih chhunzawm dawn

ABC chuan American Idol show neih mek chu chhunzawm a ni dawn tih a sawi. Show hi an tih dan ṭhin anga Los Angeles-a Television City studioah neih theih a ni dawn lo thung a; host, judgete leh zai turte pawhin mahni in aṭang ṭheuhin an inlan dawn a ni.

April 26 hian live-in pekchhuah a ni ang. Vawi duai lo American Idol lo host tawh tu, Ryan Seacrest chuan Covid-19 hri leng karah American Idol 2020 chu mahni inlam aṭanga neih chhunzawm a nih dan tur a sawi. Ryan Seacrest chuan webcam hmangin Los Angeles-a a in aṭangin a host dawn a, judge Katy Perry leh Lionel Richie chu California-a an in lam aṭangin an judge ang a, judge Luke Bryan leh Bobby Bones-te pawhin Nashville-a an in aṭangin an lo judge dawn bawk tih Ryan chuan a sawi.

Intihsiaka tel turte chu an in lam aṭangin an zai mai dawn a, Top 20 thlan chhuahte aṭangin America mipuite chuan an duh an lo vote ang a, Idol ber tur kan thlang thei mai dawn a ni, a ti.