Disneyland 70th Celebration Album-ah Jonas Brothers leh Boyz II Men

Disneyland Resort 70th Celebration album-ah American pop rock band Jonas Brothers leh American vocal harmony group, Boyz II Men te an tel.

Theme park kum 70 tlin lawmna atana siam album hi nimin khan tlangzarh a ni. "Celebrate Happy" tih chu Jonas Brothers-ten sa in, lawmna neih hun chhung zawng hian intihhlimna hrang hrang neih a ni dawn. He album-ah hian "World Of Color Happiness" show-a music te pawh telin, Disney hla hlui leh ngaihnawm tak tak te pawh a tel a ni.

Boyz II Men te hian "Rainbow Connection" tih hla an sa a, Fitz and the Tantrums frontman Fitz chuan hla thar "Makes Me Wanna Move" leh, Pentatonix member Scott Hoying chuan a hla thar "Great Rainbow" tih a sa bawk.