Cannes Film Festival-ah taksa lang tam zawnga in lan khap

Kumina Cannes Film Festival neih tur atana red carpet-a in chei dan tur kaihhruaina thar siamin, taksa lang lo tur lai lang tam lutuka in chei an khap. Inchei dan tur an ruahman thar hi red carpet-ah chauh ni loin, festival hmanna area hrim hrim a huam tel niin festival official charter lam chuan an tarlang.

Inchei dan tura kaihhruaina siam zawm thei lote chu red carpet-a an in lan ve remtih a ni dawn lo.

Heng hmalakna thar hi kumdang Cannes Film Festival chhimtu zingah mawi lo tak tak leh mit tikham thei zawnga in lan an lo awm tawh ṭhin vang te, Kanye West leh a nupui Bianca Censori-te Grammy-a chet danin a nghawng zel niin hetiang thleng a awm tawh loh na tur hian official charter lam hian dan thar an siam zui ta a ni.