IU album thar nen rawn kir dawn

South Korean singer-songwriter leh actress IU chu rimawi khawvelah May thla hian a rawn kir leh dawn. February 2024-a a mini album 6-na, 'The Winning' a tih chhuah hnua album a tih chhuah leh hmasakna ber tur a ni.

IU hian a album thar tur atan inbuatsaihna a nei mek a, a title track thar tur music video-ah hian Korean boy band ASTRO member leh actor, Cha Eun Woo a inlan dawn tih an sawi. Kumin kum tir lam khan an pahnih hian jewelry brand pakhat tan joint campaign an lo nei dun tawh a ni.

Zai bakah tun hnai khan Netflix series "When Life Gives You Tangerines"-ah changin, MBC drama thar tur '21st Century Lady'-ah pawh Byun Woo Seok nen an chang dun dawn a, nakkum kumtir lamah tih chhuah a ni ang.