Praise on Judge-te thusawi a ngaihnawm Thuthlukna siam kawngah an ngaihdan a inang lo

Synfo leh Inkspot Digital Solution-te buat≠saih Praise On chu top 10 thlan chhuah an ni tawh a, heng mi 10 aṭangte hian a ṭha ber thlan chhuah an ni tawh dawn. Mi 700 chuang aṭanga mi 10 thleng tura thlitfim kawngah judge-te ngaihdan a inang lo.

Judge zinga hmeichhe awm chhun, Gospel singer lar leh hlawhtling ṭhin Liandingpuii chuan Praise On telte chu mahni awmna kohhran leh KṬP branch-ah te lo zai fo tawh an ni a, an thiam tlang a, chuvang chuan thuthlukna han siam mai pawh a har ṭhin a ni a ti. "Kil tin aṭanga thlir a ngai a, judgement han siam mai pawh a har viau mai. Judge-te pawhin theihtawp kan chhuah a, kan ṭawngṭai nasa hle a ni," a ti.

Tekawka thung chuan, "Ka rin ai chuti takin a harsa lo. A tir aṭanga kan inthlitfim chhoh a, tling chho zelte pawh hi an ‚wm viau hlawmin ka hria," a ti. Final-a a thiam ber han thlan chhuah nalh erawh a huphurh deuh thung a, "Final erawh hi chu an intluk hlawm viau turah ka ngai a, result ṭha tak kan nei turah beisei ang," a ti.

Mavuana pawn thu≠thlukna siam har a ti hle. "Zaithiam tak vek an ni a, chu bakah chuan rawng≠bawlna ngai pawi≠mawh tur, kohhran tana ṭangkai tur ngaihtuah tel a ngai a, tih tak zeta an zai leh zai loh lamte thlir tel a ngai bawk a, thil awlai tak chu a ni lo," a ti.

Contestant-te ṭha an ti hlawm hle a, Dingpuii chuan, "Top 10-a tling lo pawh an ṭha" a ti a, Tekawka hian branch ten tel tlaka an ngaih an nih avangin an thiam vek tih sawiin, "Top 10 chin phei hi chu tute pawhin zai turin sawm ila kan tisual lo ang," a ti. Mavuana chuan, "Mahni veng leh kohhrana lo zai tawh
ṭhin an ni a, soloist ṭha an ni hlawm. An puitling a, an nawi lo," a ti. "Tla ta zingah pawh khan ṭha tak tak, thleng sang tura Ìtawm tak tak an tam khawp mai," a ti bawk.

Praise On hi October 25 aṭang khian Final Round neih a ni tawh dawn a, October 27 leh October 28 zanah te chhunzawm leh a ni ang. Praise On hi Hruaina ng channel, LPS leh Zonet-ah te a pulunga pek chhuah a ni.