Lalnunmawia Music lama hnuhma thar neih leh a châk
'Chhuihthangvala' tih hla sawi tawha rilrua rawn lang nghal chu Lalnunmawia, Valtea tia koh kha a ni. He hla phuaha satu, Lalnunmawia hian tunlai khawvelah hnuhma thar neih leh duh a, hma pawh a la mêk a, mahse a duh angin hma erawh a la chak thei lo.
Mizo tlangval, han ṭhutkhawm a, han zaikhawm tawha hla sak hlawh ber zinga mi 'Chhuih≠thangvala' phuahtu leh satu Valtea chuan tunah hian a hla lo sak tawh hrang hrang, ama hla phuah leh mi hla a sakte kha a ṭhen chu record lehin, album-a dah a rilruk a, kum thum kal ta aṭang khan hma a la tawh a, amaherawhchu a duh ang≠in hun a nei thei lo. "Hun a ngai a, sum a ngai a, ka la ti hlei thei lo a ni," a ti. He album-ah hian zai ngawr ngawr bakah a hla sakte hla bua siam tel nghal a tum.
Zofatena kan hriat larna ber hla 'Chhuihthangvala' tih hi 1977 vela a phuah a ni. Valtea chuan, "A thl˚k chauh hi chu ka neihna a rei tawh a, a hla ka phuah hma kum khat velah ka nei tawh," a ti. A thu erawh a nei thei mai lo a, a hnuah a ṭhiante nena an inkawmhonaah a thu hi a phuah ta a ni. "Hla thu ṭha tak a ni a, Mizo tlangval cho nan pawh ka duh a ni," a ti. Tlangval fuih nan a ṭha a, speaker pakhat phei chuan a sermon-ah ṭum khat chu a telh tawh nghe nghe. He hla Aizawla a sak hmasak ber chu kum 1978 February thla khan AR Lammualah beat contest neih a ni a, hetah hian zai turin an sawm a, live-in a sa a ni.
Valtea hian hla ṭhahnem tak a phuah tawh a, a hla phuah hi 70 emaw vel lai a ni tawh. Album pawh pathum lai a tichhuak tawh a, a hmasa ber chu kum 1985-a mi, Mizo album chhuak tawha lar ber zinga mi, Chhuihthangvala kha a ni. Hemi hnu hian Gospel album, Golgotha a tichhuak leh a, chumi hnuah Zoremsiampa tih album a tichhuak bawk.
An hunlai chanchin a sawi a, Otto Recording hnuaiah contract a ziak a, a album pakhat an hralh apiangin Rs. 2 zel a ei ve ṭhin. "Khatihlai khan sum hi kan chuh teh r˚n lo a, min pÍk ang zat kha kan la mai...a ch‚ng chuan 'a tam lutuk, a ngai lo' tiin kan hnar
ṭhen ṭhin zawk," a ti. "Concert-ah pawh 'chuti zat ni rawh se' kan ti ngai lo," a ti. Valtea hi tunah hian Chawlhhmun, Aizawlah a khawsa mek a, fa pathum - mipa pakhat leh hmeichhe pahnih a nei.