Eminem-a hla tharah hming a lang hnem

Rapper hlawhtling Eminem chuan album a siam mek hmahruai atan a ni ber mai ang chu, hla thar a tichhuak a, a hlaah hian mi hrang hrang hming a lang hnem leh hle a, ngei ngial ngial an awm leh ṭeuh ang.

Eminem-a hla thar hi 'Campaign speech' a ni a, he hlaa lang zinga lar ber mai chu Donald Trump a ni. Ani bakah hian Chuck Norris te, Robin Thicke, Stacey Dash, Ben Stiller, Agatha Christie te nen hming 15 lai mai a lang.

Eminem hian a hla thar hi Twitter kaltlangin a dah chhuak a, Billboard Twitter Trending Chart-ah pakhatna a ni nghal. Twitter-ah hian album a buatsaih mek tih a tarlang bawk. Em hian album a tichhuak lo rei leh ta hle a, a album hnuhnung ber chu kum 2013-a a tihchhuah The Marshall Mathers LP 2 kha a ni.