Drake-a'n Spotify-ah record a siam

Drake ropuina a zual zel a, Spotify-ah record a siam thar. A hla hit One Dance chu Spotify-a hla awm tawh zinga an stream nasat ber a ni.

Drake hian One Dance hi April thla khan a tichhuak a, he hlaah hian Wizkid leh British zaithiam Kyla te a zaipui. Spotify-a a dah chhuah aṭang khan entu an pung chho zel a, Thawhlehni thleng khan he hla hi Spotify-ah vawi maktaduai 880 zet an stream tawh a ni.

A hmaa stream nasat ber hla chu Major Lazer leh DJ Snake te hla 'Lean on smash' kha a ni a, nikum November thleng khan vawi maktaduai 526 zet stream a ni. Kumin lamah he hla hi Spotify aṭanga en an pung tho nachungin an pung chak ta vak lo a, Drake hian a rawn khum ta a ni.