Cannes 2025-ah Robert De Niro Palme d'Or hlan

Veteran actor leh director, film hrang hranga sulhnu ngah tak Robert De Niro chu Thawhlehni zana 78th Cannes Film Festival opening ceremony-ah kum tam tak chhung film industry huanga a thawhhlawk avangin chawimawina "Palme d’Or" hlan a ni.

Kum 81 mi ni tawh, De Niro hi hun rei tak aṭanga a lo thawhpui ṭhin, Leonardo DiCaprio chuan chawimawina hi a hlan. Anni pahnih hi 1993 film, 'This Boy's Life' ah an chang dun hmasa ber a, a hnuah 'Killers of the Flower Moon' ah an chang duh leh bawk a, hei hi 2023 khan Cannes-ah tih chhuah a ni.

Kum 2011 khan Cannes festival-ah hian jury a lo ni tawh bawk. A film ṭhenkhat chu festival-ah hian premiere an lo ni tawh bawk a, heng zingah hian Mean Street (1973) leh Once Upon a Time in America (1984) pawh an tel. Cannes Film Festival hi May 24 thleng neih a ni ang.