Nov 5-a Mixed Martial Arts Event lian buatsaih turin Zonet & MISMA inrem

November 5 zanah Mizote en chak Mixed Martial Arts chu Mizoramah ngei a en theih dawn!

Mizoram State Mixed Martial Arts Association (MISMA) leh Zonet Cable TV Pvt. Ltd te chuan Zonet Office-ah Mixed Martial Arts Event lian JSJ FitPro League buatsaih turin Zirtawpni khan thawhhona thuthlung an ziak.

MISMA hian February 2016 khan JSL 1 hlawhtling takin Millennium Centre Roof Top-ah an lo huaihawt tawh a, November 5 zanah JSL 2&3 a buatsaih leh dawn a, MZU Multipurpose Hall-ah he event hi buatsaih a ni ang. MISMA leh Zonet Cable TV Pvt.Ltd te chuan Mizoram ṭhalaiten Mixed Martial Arts lama eizawnna tham thiamna an neih theih nan thawhhona an nei chho dawn ta a ni.

Thawhhona thuthlungah hian MISMA President Pu R Zosangliana leh Zonet Cable TV Pvt. Ltd atangin Managing Director Pu RK Lianzuala ten hming an ziak a, MISMA Vice Pre≠≠sident R Lalnunpuia leh Zonet Cable TV Pvt.Ltd Manager LV Lal≠than≠tluanga ten he inremna hi an hriatpui thu an ziak bawk a ni.

JSL 1 ang bawkin JSL 2&3 hi International Level a ni leh dawn a, he event-ah hian bout 15 a awm dawn a, India ram chhung mai ni lo, India ram pawn
aṭangin fighter ṭha tak tak an inlan leh dawn a ni. Tunlai infiamna
ṭhangduang tak MMA hi Mizo
ṭhalaite pawhin an ngaina tlang hle a, India ram chhung leh pawn thlenga eizawnna tham a nih avangin Zonet Cable TV Pvt. Ltd chuan he sport dicipline hi a ngai pawimawh em em a, hei vang hian theihtawp chhuaha Mizo ṭhalaite tana ke pen a tum leh ta a ni.