Nobel Prize vangin Social 50-ah Bob Dylan a lang

Social 50 chart, kar tina tihchhuah ṭhin chu tihchhuah a ni leh a, hetah hian Bob Dylan hi langin, 40-na a ni a, Social 50 chart-a lang pha zinga upa ber a ni.

Social 50 chart-a top 10 bikah hian a hmaa lang thei upa ber ṭhin chu Beyonce a ni a, kum 35 a ni. Kum naupang lamin social media an hmang nasa a, kum upa lam a lang daih hi a mak hle a, a chhan ber pakhat chu Nobel Prize in Literature a dawn vang a ni. He chart-ah hian kum 50 chung lam lang an awm ve zeuh zeuh a, a chhan ber chu an thih vang emaw te a ni a, damlai zinga langah chuan Bob Dylan aia upa an la awm lo.

Social 50 hi Facebook, Instagram, Twitter, SoundCloud, YouTube, Wikipedia, Tumblr leh Vine velah te an sawi ngun leh zawn ngun aṭanga thlan a ni ber ang. Bob Dylan hi Wikipedia-ah ringawt pawh a chanchin an en nasa a, entu 611,000 zet an awm. Chu bakah Twitter-ah a hming hi vawi 42,000 zet mention a ni bawk.

Social 50-a lang thei upa zingah chuan Susan Boyl, Juan Luis Guerra leh Madonna te an ni. Anni bakah hian kumin chhungin Glenn Frey te, Prince te, Merle Haggard, Natalie Cole leh Juan Gabriel te an lang bawk a, anni hi chu an thih vang a ni ber. Kum 75 mi Bob Dylan hi damlai zinga he chart-a lang thei upa ber a ni.