Pan Bahar fak nana an hman avangin Pierce Brosnan a lawm lo hle

James Bond film pawh chang tawh ṭhin, Hollywood actor hlawhtling zinga mi Pierce Brosnan chuan India velah, Pan Bahar fak nana an hman avangin a lawm lo hle. An contract bawhchhiatna a ni a ti.

Pierce Brosnan chuan a tira fakna tura inremna an siamin, a fak tur chu ka chhung tirimtuitu (mouth freshner) te, ha tihvarna te a nih thu a sawi a, vaihlo leh a kaihhnawih thil, supari leh mihring tana ṭha lo thil dangte fak mawi turin inremna an siam tel lo a ti.

Brosnan chuan, "Ka nupui hmasa ber leh ka fanute cancer avangin ka ch‚n trawh a, chuvang chuan hmei≠chhiate an hrilsena tur kawng ka ngai pawimawhin, mihring hriselna tiṭha zawng leh, mihringin natna kan tawrh ṭhinte a ziaawm theih nana hmalakna te ka thlawp em em a ni," a ti a, chutihlaia mihring hriselna atana ṭha lo thil tihlar nana an hmang chu a lawm lo hle.

Brosnan hian Pan Bahar fak nana an thlalak an hman zawng zawngte tibo vek turin Pan Bahar faktute chu a hriattir a, he fakna atana amah an hman avang lungawi lo zawng zawngte chungah thupha a chawi bawk.

Brosnan chuan product pakhat chiah fak turin inremna an siam tih a sawi a, chu an inremnaah chuan vaihlo kaihhnawih a tel loh tur thu an sawi bawk tih a sawi.