Leonardo DiCaprio leh Robert De Niro Food Fund hmuhna turin 'Movie Role' an hlui '

Once Upon A Time In Hollywood' Actor leh The 'Irishman' Star-te hian pawisa peipunna turin an film tihchhuah thar tur  'Killers Of The Flower Moon'-a role an hlui.

Leonardo DiCaprio leh Robert De Niro-te chuan an film thar tura inlan hun remchang hi a duh tan an siamsak a, mahse heta chang duhte hi chuan America Food Fund atan pawisa an thawh a ngai dawn thung.

Robert De Niro chuan tunah hian Food Fund hian tunhma zawng aiin ṭanpui an mamawh tih social media kaltlangin a sawi a, AllInChallenge.com-a pawisa thawhte chuan an film thar turah inlan theihna 'chance' an nei tih a sawi bawk.

DiCaprio pawhin lo tuihnih ve bawkin an film thar tur director, film siamtu ropui Martin Scorsese bula thawh ve in duh chuan tun hi hun ṭha a ni, a lo ti ve thung a ni.

'Killers of the Flower Moon' hi  American journalist David Grann lehkhabu ziah 'Killers of the Flower Moon: The se Murders and the Birth of the FBI' behchhana siam tur a ni a, he lehkhabu hi kum 2017 khan a tlangzarh a ni. Time magazine-in ku 2017-a lehkhabu ṭha a thlanchhuah zingah a tel nghe nghe.

Film siamtu lar Martin Scorsese chuan kumin aṭang he film hi production a ṭan a, nakkum lamah hi chuan tlangzarh hman a tum a ni.