Isua lemah Paris Jackson a chang dawn
Michael Jackson fanu kum 23 mi Paris Jackson chu 'Habit' tih film thar turah Isua lemah a chang dawn tih Fox news chuan a tarlang.
Film producer Donovan Leitch chuan he film hi sooting neih mek a nih thu a sawi a, a tira he film chang tur hming list tichhuahah khan Paris hi a tel lo a ni. Paris bakah ian American Actress Bella Throne pawh a chang a, Bella part ṭhenkhat chu Los Angles-ah chu chan a ni tawh bawk. Bella hi party girl lemah a chang dawn a, ruihhloa a albuaina lak ata chhanchhuak turin, Paris hi Isua lemah a chang dawn niin Fox chuan a tarlang.
Director atan hian Janell Shirtcliff hman a ni a, script writer atan hian Suki Kaiser hman a ni thung. Paris leh Bella bakah hian Libby Mintz,
Josie Ho, Gavin Rossdale, Jamie Hince leh Alison Mosshart-te pawh he film-ah hian an chang a ni.
Paris hian acting lamah sulhnu a la nei vak lo a, Star leh Gringo film-ah khan kan hmu tawh a, 30 Seconds to Mars hla Rescue Me tih music video-ah khan kan hmu tawh bawk. Zai lamah erawh a pa hnung a zuive deuh thung a, folk-rock band The Sunflowers band-ah a zai ṭhin a ni.