Ireland tan U2-in Euro mtd 10
Rock band U2 chuan an ram Ireland-a Covid-19 dona kawnga hmalakna turin Euro maktaduai 10 an pe.
Bono, The Edge, Adam Clayton leh Larry Mullen Jr-te pawisa thawh hi hripui dona kawnga hmatawngte hman tur personal protective equipment (PPE) leina atan hman a ni ang.
U2 thupuangtu chuan hemi chungchang hi a puang a ni. Bono hian coronavirus theme song 'Let Your Love Be Known' chu thla hmasa khan a phuah tawh nghe nghe a, he hla hi hripui dona kawnga hmalatu ber doctor leh nurse-te tan a hlan thu a lo sawi tawh bawk.
Metallica pawhin Covid-19 dona atan hian $350,000 an lo pe tawh bawk a, kar hmasa khan Black Sabbath guitarist Tony Iommi pawhin a bungrua eng emaw zat leh a guitar a lilam tawh a ni. Anni bakah hian hripui dona kawnga thawk chhuak rock band eng emaw zat an awm tawh a ni.