Chris Brown-in man a tawk leh ta

American singer, songwriter leh dancer Chris Brown chu Manchester, UK-a a thlenna hotel aṭangin Ningani zing khan an man. Chris hi kum hnih liamtaa London-a nightclub pakhata music producer Amadou Diaw kutthlak vanga man niin, Metropolitan police-te chuan a hotel thlen hnu darkar khat hnu velah an man zui.

Chris Brown hian music producer Amadou Diaw chu, kum 2023 khan nightclub-ah tequila burin a lu ah a vua niin an sawi a. He pawikhawihna a thlen aṭanga kum hnih liam hnuah man a ni ta chauh a ni, kut tuartu hian a lu leh a ke ruh chuktuah inzawmnaah te hliam neiin damdawi-in ah enkawl zui a ni.

Brown hi Breezy Bowl XX tour, June 8-a khuh hawnna nei tura inbuatsaih mek niin June leh July bakah October thleng khian Netherlands, UK, leh US-ah te tour nei turin a inbuatsaih mek a ni. Brown hian kum 2009 khan a kawppui leh a celeb pui ni bawk Rihanna kut a thlak vangin thubuai a lo nei tawh bawk.