MDM-in Gen. Assembly rualin YouTube royalty sem

Music Domain Mizoram (MDM) General Assembly vawi 9-na chu May 16, Zirtawpni liam ta khan neih a ni a, hruaitu thar tur thlangin zaithiamte hnenah October, 2024 - January, 2025 chhung atana YouTube Royalty an sem nghal.

MDM hian member 864, mipa 430 leh hmeichhia 434 an awm mek a ni. MDM Gen Hqrs hnuaiah Lunglei, Lawngtlai leh Serchhip Headquarters an awm bawk. MDM library hnuaiah hian member-te hla register Mipa - 984 leh hmeichhia -1152 awmin, Group/Duo/Zaipawl-ah register 847 an awm mek a ni.

YouTube Royalty hi Gen. Hqrs aṭangin zaithiam 45, Lunglei Hqrs aṭangin 72, Lawngtlai Hqrs atangin 10, leh Serchhip Hqrs atangin zaithiam 8-ah sem chhuah a ni. MDM hian kum 2023-2025 chhung hian zaithiamte hnenah YouTube Royalty - Rs. 5,36,454/- a sem chhuak tawh a ni. General Assembly ruala Royalty sem chhuahah hian Mawimawia'n dawng hnem berin, Zothana & Zodini Sailo te'n an dawt a, Seraphic Choir, Zorinzuali Khiangte leh The Radio te chu a hmu ṭha zual 5 zingah an tel.