GIG Motors : Ṭhazual Lengzem hma hruaitu SaiWanah ft. Fakriel

20th May, 2025

GIG Ṭhazual Lengzem chart luahlum rengtu, SaiWanah ft. Fakriel chuan an hla 'Mualkil fanu' hmangin chart tharah hma an rawn hruai ta. He hla hi SaiWanah phuah niin, ngaihthlak a nuamin ngaithlatu an la pun chhoh zel a rinawm hle. Music leh recording hi Vulmawi Studio-ah tih niin, mixing leh mastering hi Randy Zaitea kutchhuak niin, music video mizo hnam ziarang pholang thei, hmuhnawm tak mai hi Ps Production kutchhuak a ni a, thla thum liamta khan SaiWanah Music, YouTube-ah upload a ni a, mi nuai 11 velin an view tawh a ni.