The Distinguished Gentleman's Ride neih a ni leh ta

The Distinguished Gentleman's Ride (DGR) chu Aizawlah a vawi 4-na atan Pathianni chawhnu khan hlawhtling takin buatsaih a ni a, rider 200 vel an tel.

Ace Events & Rentals chuan kum lina atan kumina DGR hi buatsaihin, Mizoram Rural Bank Headquarters in a sponsor a, Mana Motors chu associate sponsor a ni.

DGR hi khawvela Motorcycle Charity Event lian ber a ni mek a, ram 100 chuanga khawpui 1,000 chuangah he ride hi kumtin a ruala buatsaih ṭhin a ni. Classic leh vintage motorcycle lama tui mite puala buatsaih niin, dapper taka incheiin zahawm leh hlimawm takin ride buatsaih ṭhin a ni. He ride hi kumtin mipa chi kawng cancer (prostate cancer) vanga mi nuai li chuang thihna thleng ṭhin leh, kumtin mipa mahni nunna laa thi mi nuai 5.5 chuang awm ṭhin umbo leh venna bakah, research centre puala buatsaih a ni ṭhin. Event kaltlang hian USD mtd 60 dawn fund hmuhchhuah tawh niin, Aizawl ride-na aṭang hian USD 2,700 vel hmuhchhuah a ni tawh bawk.