Lehkhabu bawm: Ka Ro Duhawm Ber - Henry Lalmawizuala Hlate

Henry Lalmawizuala buatsaih “Ka Ro Duhawm Ber: Henry Lalmawizuala Hlate” chu May 17, 2025 khan tlangzarh a ni. He hlabuah hian hla 51 awmin, tonic solfa leh staff notation-a dah vek a ni. Hla 37 hi mimala a siam niin, panga chu thawhpui neia a siam a ni a, a dang pakua chu lehlin an ni thung.

Henry Lalmawizuala hi Mizo Idol Season 4 leh Voice of Salvationist-ah judge lo ni tawhin, BESY Choir conductor hi kum ruk a ni tawh bawk. PUC-ah English Department HOD mawhphurhna a chelh mek.

“Ka Ro Duhawm Ber: Henry Lalmawizuala Hlate” hi contemporary hymnal leh rimawi ziarang chi hrang hrang, zaipawl leh pawl ho ang pawha sak theih tura duan a ni. Rimawi ziak leh chhiar dan zau zawka hriat belh duh tan pawh inzirna ṭangkai tak tur a ni. A man Rs 300/- niin Mystique, Khatla; Synod Bookroom leh Instagram lamah LEHKHABUK-ah te lei theih a ni