Unau 3 lehkhabu tlangzarh

Unau pathum - Shepherd Zomuani (kum 9, Class 4), Esther Lalpekhlui (kum 11, Class 5) leh Moses Lalawmpuia (kum 18, Class XII) te chuan an nu leh pa, Zoramliana leh Ammie Lalnunpuii, Tuikhuahtlang te inneih anniversary pualin May 17, 2025 khan an lehkhabu ziah an tlangzarh.

Shepherd hian 'From My Heart to Yours' tih ziakin naupang thawnthu 30 leh poem pakhat a awm. Esther lehkhabu 'I nun thlak danglam turin' tihah hian naupang thawnthu 30 bakah zawhna leh chhanna te dah tel a ni bawk. Moses lehkhabu hi '50 Men of Faith' tih niin rinna kawnga mi entawn tlak, Bible-a mi bakah missionary leh infiammite chanchin a ni. Naupangte nu, Ammie Lalnunpuii hian 'Fa Enkawl Dan - Formula 3-2-1' tih bu a lo ti chhuak tawh bawk a ni.