'War 2' ah NTR Jr leh Hrithik Roshan

Bollywood action film titan pahnih inhmachhawnna, 'War 2' chu nimin Thawhlehni khan teaser tih chhuah a ni. War 2 teaser chungchangah hian Hrithik Roshan chuan fan-te hnenah surprise lian tham tak nei tur angin a lo sawi lawk tawh a ni. Nimin kha War 2-a changtu pakhat zawk NTR Jr birthday a ni bawk.

War 2 film hi Indian action film titan pahnih Roshan leh NTR Jr te chan dunna film hmasa ber tur a ni a, anni bakah Kiara Advani chuan hmeichhe lead role a rawn chang bawk. Film hi Ayan Mukherji direct niin tun ṭum hi spy lam film lian tham a direct-na hmasa ber a ni.

Film thar hi kumin August 14 hian khawvel puma en theih tura tih chhuah tum niin, India ṭawng chi thum Hindi, Tamil, leh Telugu ṭawngin tih chhuah a ni dawn bawk.