Samsung phone thar

Samsung chuan China-ah an phone siam thar an tichhuak dawn a, nakkum khi chuan he phone hi India-ah pawh lei theih a nih tawh ngei rin a ni.

Samsung phone chhuak thar tur hi Galaxy C9 Pro a ni a, SIM pahnih a hmang a, India pawisa chuan, tuna International market-a sum hlut dan inthlauhna anga chhutin, Rs. 31,700 man a ni. Android 6.0 Marshmallow a hmang a, a hmai hi inchi 6 laia hlai a ni a, a resolution pawh a ṭha a, 1080 x 1920 a nih bakah high definition a ni bawk. Power a hman tlem lehzual nan LCD screen hmang loin, Amoled hman a ni.

A RAM a ṭha khawp mai a, 6GB lai a ni a, a battery pawh a ṭha, 4000 mAh a ni a, chu mai bakah charge chhung rei lo tur chia siam a ni. A thluak ber kan tih mai, a processor hi octa-core Snapdragon 653 a ni a, a calculating time pawh a rei lo ang, a clock speed reng a ṭha mai; a clock speed hi 1.95 GHz a ni. Camera lam pawh a
ṭha viau a, a hnung lam hi 16MP lai a ni a, chu bakah a aperture hi f/1.9 a ni a, dual LED flash-a thuam a ni bawk. A hmalam camera pawh 16MP tho a ni.

Fingerprint sensor a awm a, a inbuilt storage hi 16GB a ni a, microSD a hmang thei a, a hman len theih ber chu 256GB a ni.