Hlimhlimi'n 'Nang' a rawn ti leh ta

Ṭhazual chart-ah pawh pakhatna lo luah tawh Hlimhlimi chuan hla thar a rawn nei leh ta a, a hla thar hi 'Nang' a ni.

Gospel lama hmeichhe zinga hlawhtling pawl Hlimhlimi hian 'ber thlaah hian hla thar neih loh a duh lo a, chuvang chuan 'Nang' min rawn ti ta a ni. He hla hi Zoramsang≠a (Asangtea) lehlin a ni a, Asangtea hian a hma pawhin hla a lo letling fo tawh. 'Trust in you' hla, Lauren Daigle sak kha a letling tawh a, chu chu Stacy VL Muanpuii'n a sa a ni. Tuna Hlim≠hlimi hla thar pawh hi Lauren Daigle sak tho, 'First' a ni.

Hlimhlimi chuan, "Nang tih hi ka producer nen kan duh em em a, engkim mai hi phur takin kan ti thei a, a nuam khawp mai. Video hi simple taka siam kan duh si a, kan tlin ang tawka ṭhain kan bei ve a ni," a ti.

'Nang' tihah chauh hian Hlim≠hlimi hi a tawp dawn lo a, tunah hian hla dang hmachhawp a nei mek. A hla buatsaih mek chu 'Inenfiah rawh' tih hla a ni. Hlimhlimi hi Blue Wave Records label hnuaia mi a ni a, a label hnuaiah hian mumal takin a kal a, a hla tihchhuah tur leh music te pawh a label thurawn ang zelin a kalpui.

Hlimhlimi chuan, "Inenfiah rawh' tih hla bakah hian Krismas hla pawh pakhat tihchhuah ve ngei ka tum a, Pathian zara ka dam phawt chuan Krismas hla ka nei ngei ang," a ti. "Ka hlate hi mizostore.com leh Blue Wave Records label te thawhhona hnuaiah lei theihin zawrh chhuah a ni," a ti.