EGOT elite-a tel thei tur Hollywood star 60 chuang awm

Hollywood star zingah acting leh music huangah mi 60 chuang chu EGOT elite huanga tel thei tura award pakhat chauh lak ngai tawh an awm mek.

EGOT elite hi award ngaihlut hlawh leh dawn har tak tak pali - Emmy, Grammy, Oscar, leh Tony Award-te dawng thei chin hi an ni. Tun dinhmunah EGOT elite ni thei hi mi 21 chauh an la awm.

EGOT elite huanga tel theia award pakhat chauh lak ngai tawh awm mek zingah hian thi tawh eng emaw zat an awm bawk. Award pakhat lak ngai zingah hian Tony award dawn hmabak an tam ber bawk.

Award pali dawn har tak tak leh ngaihsan hlawh tak tak dawng thei tawh zingah hian John Legend, Jennifer Hudson, Whoopi Goldberg, Elton John te chu hming langsar leh mi tam zawk hriat hlawh te an ni. Anni bakah hian hranghlui sulhnu nei ṭha tak tak eng emaw zat an tel bawk a ni.

EGOT winner hmasa ber chu composer Richard Rogers a ni a; Tony awards paruk, grammy pahnih, Emmy pakhat leh Oscar pakhat a dawng a, hei bakah Pulitzer Prize pawh a dawng bawk. Hmeichhe zingah EGOT winner hmasa ber chu actor Helen Hayes a ni.