Judas Priest documentary siam dawn

British heavy metal band, Rock and Roll Hall of Fame member ni bawk, Judas Priest documentary thar, "The Ballad of Judas Priest" chu Sony Music Vision aṭanga siam a ni dawn. He docummentary tih chhuah hun tur erawh puan a la ni lo a, documentary filmmaker Sam Dunn leh Rage Against the Machine guitarist Tom Morello-te'n an direct dawn a ni. Documentary hming hi Bob Dylan-a hla "The Ballad of Frankie Lee and Judas Priest" tih aṭanga phuah a ni.

UK-a Birmingham aṭanga in din chho, rock legend Judas Priest-te hi heavy metal lam sulsutu zinga mi an ni. An band hi kum 50 chuang ni tawhin, record maktaduai 50 chuang an hralh tawh a, studio album 19 an ti chhuak tawh a ni. Kum 2024-a an album, "Invincible Shield" an ti chhuah khan heavy metal zingah kum 50 hnua studio album ti chhuak leh thei hmasa ber an ni. Kumin favang hian Alice Cooper nen North America khawpui 22-ah co-headlining tour an nei bawk ang.