Selena Gomez-in fashion game a khing

Fashion game pakhat The Clothes Forever Styling Game app chuan player-te'n celebrity avatar an hman theihna tur a chhawp chhuak a, heng zingah hian Kardashians, Adele leh Gomez-te pawh hi an tel a ni. Mahse Selena Gomez hi a lawm hauh lo a, a phalna la hmasa loa a hmel an lo hmang chu demawm a tih thu sawiin a 'publicity rights' an palzut sak niin a ngai a; a thubuai thehluh chu ngaihtuah ngei turin a duh thu a sawi bawk.

App store chuan Clothes Forever hi "hottest new fashion game" tia hrilhfiahin Kardashian, Gigi, Beyonce, Taylor leh mi lar tak tak dang chuan fashion advice an pe dawn niin a tarlang bawk.

Legal document thehluhah chuan Clothers Forever-in Gomez lem an hman hi kum 2015-a Canadian magazine Flare tana a thlalak nen khaikhin a ni a, brand hrang hrangte chuan endorsement contract atan Gomez hi dollar maktaduai chuang an pe ṭhin tih leh sponsored social-media post a siam chuan post pakhatah $800,000-te an pe ṭhin tih a ziak. Hemi a nih avang hian Clothes Forever chu Gomez hma bak tichhe theiah leh a fashion-focused game siam vena tur pawh a dal niin a ziak a ni.

Selene Gomez chauh hi mi lar zingah game khingtu a ni lo a, kum 2014 khan Mean Girls actress Lindsay Lohan chuan Grand Theft Auto V kha a lo khing tawh a, a phalna la loin a lem an lo hmang  niin a sawi.