Breaking Benjamin leh Lacey Strum thawk dun ta
Nikum lam khan Breaking Benjamin chuan Flyleaf vocalist hlui Lacey Strum an thawhpui dawn niin an lo sawi thawi tawh a, tunah erawh a takin an thawk dun tih a chiang ta.
Breaking Benjamin hian an hla hit 'Dear Agony' chu an siam ṭha leh a, hetah hian Lacey Strum hian a pui a ni.
Kumin kumtirah khan Breaking Benjamin hian album thar 'Aurora' an tlangzarh a, hetah hian an hla hlui ho chu acoustic version-in an dah khawm a ni. 'Dear Agony' version thar pawh hi he album-a mi hi a ni a, 'Aurora Version ' an ti deuh kher a, YouTube lamah pawh thlira ngaihthlak theihin an chhawp chhuak tawh bawk.
'Aurora'-ah hian hla thar pakhat chiah an dah a, a bak zawng chu an hla hlui an chul mam lehte a ni hlawm. Nikum lamah khan he album-a hla pahnih 'So Cold (Aurora Version)' leh 'Far Away'-te chu single-in an lo ti chhuak tawh a ni.
'Aurora' hi US Top Rock Albums (Billboard) leh US Top Hard Rock Albums (Billboard)-ahte No.1 an nihpui leh der tawh a, US Top Alternative Albums (Billboard) chart-ah No.3 an thlenpui bawk.