'Spider-Man' director-in 'Doctor Strange' sequel direct dawn '
Spider-Man' film hmasa pathum, Tobey Maguire 'Spider-Man' trilogy director Sam Raimi chuan 'Doctor Strange' sequel 'Doctor Strange in the Multiverse of Madness' a direct dawn tih a chiang ta.
Sam Raimi hian 'Doctor Strange' sequel hi a direct dawn nia sawi thawm a awmna rei tawh mah se thuchiang awm thei lo a, mahse tunah erawh a chiang ta a ni.
Spider-Man 2-a siamah khan J. Jonah Jameson chuan Dr. Otto Octavius-a hming hriat awlsamna tur a zawnnaah khan 'Doctor Strange' tih hming kha suggestion zingah a hman tel tir a, Rami chuan khami chungchang kha sawi chhuakin khatih hunlai khan Doctor Strange movie an siam dawn tih la hre lo mah se tunah mak tak maia Doctor Strange a direct tur chu thil thleng palh dangdai tak a nih thu a sawi.
"Doctor Strange hi ka naupang lai aṭangin ka ngaina tawh a, mahse Spider-Man leh Batman hi ka duh zawk reng thung. Comic book character-ah chuan ka duh pangana vel a ni ang," tia sawiin a phur tawh hle a ni.
Nakkum November 5-a tlangzarh tum 'Doctor Strange in the Multiverse of Madness'-ah hian Elizabeth Olsen Wanda Maximoff/Scarlet Witch pawh a inlan dawn tih puan a lo ni tawh bawk.