Naupang ward dinna turin Ed Sheeran a thawk chhuak
British singer Ed Sheeran chuan Ipswich, England-a naupang ward din tharna turin sum eng emaw zat a thawh.
The Sun chuan Nilaini kha hemi chungchang hi tarlangin 'Thinking Out Loud' singer hian a chenna county, Suffolk-a naupang ward dinna tura pawisa a thawh avang hian damdawi-in hotute chu an lawm hle tih an tarlang a ni.
Colchester and Ipswich Hospitals' chief executive Nick Hulme chuan Ed Sheeran pawisa thawh hi an hmang ṭangkai dawn hle tih sawiin, thilpek hlu tak a nih thu leh thil phalna nasa tak a nih thu a sawi.
Hulme leh National Health Service-a a thawhpuite hian ward thar dinna tur hian $mtd 3 thawhchhuah an tum a, Sheeran pawisa thawh zat chiah hi tarlang lo mah se an mamawh hi nasa takin a phuhruk tih erawh a hriat a ni.