Chenna in nei lote tan Ellie Goulding
English singer Ellie Goulding chuan chenna in nei lote tan mobile phone 400 lai a pe.
'I Need Your Love' star hian British charity 'Crisis' thawhpuiin hripui leng kara chenna in nei lo, khawlaia mute tan handset tam tham tak mai hi a pe a, data pound 20 man ṭheuh a thunsak bawk.
Nilaini aṭang khan phone hi a sem ṭan a, khawlaia awmte ṭanpui dan tur kawng hrang hrang a ngaihtuah hnuah hun harsa tak kara an inbiak pawh theih chu thil ṭul tak nia a hriat thu a sawi a ni.
"Kar eng emaw zat liam ta chhung kha chuan sorkar, tualchhung thuneitute leh homlessness charity-te'n hma an la tih kan hmu a, mahse ṭanpui ngai eng emaw zat an la awm tih ka hria a, chung mite tan chuan inbiakpawhna neih a ṭul hlein ka hre bawk a ni," a ti.
Crisis chief Jon Sparkes chuan mobile phone sem chu thil ṭul tak a ni tih sawi ve bawkin, hripui leng karah chuan inbiakpawh theih chu thil pawimawh tak a ni. Chenna tur in nei lote hian phone an nei lo a, internet pawh an nei lo a ni, a ti ve bawk.
Goulding chuan phone hmang hian Crisis chuan khawlaia riakte chu an be pawp thei dawn a, an chanchin a ngaihven thei dawn tih a sawi a ni.