Fanai Pictures "Thinlung Thawnthu" chhuak hnai

Tunlai Mizo ṭhalaite lawm hlawh leh ngaihven hlawh hrang hrangte film channa, 'Thinlung Thawnthu' chu shooting zawh fel a ni ta. Fanai Pictures kutchhuak film puitling palina tur niin, F Lalrindika direct a ni. Shooting hi Mizoram khaw nuam tak tak Champhai, Bungzung leh Vangchhia khuaah neih a ni.

He film-ah hian Icon star Mawimawia, leh Samsona, LalAlbert-a YouTube Channel aṭanga kan hriat lar talented em em mai Diki Khawbel, bakah Miss Universe Mizoram 2024 Melissa Roneihpuii te an chang dawn. Anni bakah Kuki Actress Puipui Fanai leh Icon star Dinhlua te in lan dawn bawk. Director of Photography hi Christo Pa niin a ti nghahhlelhawm zual hle.

Film-a 90% vel chu Champhaiah chan niin Champhai scene mawi tak tak hmuh tur a awm ngei dawn tih a chiang bawk. A story hi mitin man phak tura duan, unau in hmangaihna leh nula tlangval in ngaihzawnna lungchhiat thlak lam niin a romantic hle a rinawm.