Jafar Panahi-in Palme d'Or dawng

78th Cannes Film Festival hman mekah, Iranian director Jafar Panahi chuan Inrinni liam ta khan film siam tute huanga thawh hlawk leh sulhnu ropui tak hnutchhiahtute hnena hlan ṭhin 'Palme d'Or' a dawng. He award hi 'It Was Just an Accident' film a direct aṭanga a dawn a ni.

Jafar Panahi hian he award a dawnna film hi kum 2010-a lungin a tan laia a thil tawn aṭanga a duan chhuah niin, film hi nuihzatthlak leh thinrimna lampang tarlanna a ni. Mi panga lungin tangte chet dan chungchang a ni.

Panahi hian European film festival lian pathumah chawimawina sang a dawng ta a, kum 2015 khan 'Taxi' film vangin Berlin Film Festival-ah Golden Bear a dawng a, 2000-ah Venice Film Festival-ah 'The Circle' vangin Golden Lion a lo dawng tawh bawk.