China Box Office 'Lilo & Stitch' in thunun

Disney kutchhuak "Lilo&Stitch" live-action adaptation chu May 23 khan China-ah tih chhuah ve niin, China box office a thunun nghal. Chinese animation, hun rei tak aṭanga China mai ni lo khawvel huap pawha sum la lut hnem ni thei 'Ne-Zha 2' chu Disney film thar hian a khum nghal thei a ni. "Ne-Zha 2" hi Top 5-ah a la lang chhunzawm zel, kar 17 chhung chart-ah a lang tawh.

Hun rei tak chhung China Box Office-ah tualchhung siam movie ten chart an thunun reng hnuah, a ṭum khatna tan Hollywood lam kutchhuak hian China-ah rorel thei ta a ni. President Trump-an China laka chhiah hrang hrang a tih san hnuah Disney kutchhuak film-in ram pawna No.1 a hauhna hmasa ber a ni bawk. Lilo & Stitch hian tlangzarh karah China-ah hian RMB mtd 62.3 (USD mtd 8.7) a la lut nghal a ni.