BottleRock Festival-ah Justin Timberlake

American singer-songwriter leh actor Justin Timberlake chu BottleRock Festival, Napa Valley expo, May 24-a California-a neihah a vawi khatna atan perform-in a world tour tawp a khar nghal bawk.

Timberlake hian 2024 album "Everything I Thought It Was" hmanga world tour aneih chu kum khat vel kalpui a nih hnuah a tawp a khar fel ta a ni. Memphis-a piang pop star hi darkar hnih chhung a perform a, a hla hlui hit leh mawi tak tak a rawn sak bakah a band, Tennessee Kids te leh backup dancer-te nen show ropui leh hmuhnawm tak an rawn nei. A hla sak zingah "Mirrors", "My Love" leh "Can't Stop the Feeling" te pawh telin mipui a awi tlei hle. Timberlake hian a hriselna lam ṭhat tawk loh avang leh zu rui chunga lirthei a khalh avanga man a tawh hnuin a concert eng emaw zat a lo cancel tawh a ni.