2025 AMA-ah Billie Eilish a che ṭha fal

2025 American Music Awards chu an ram huna Thawhṭanni zan khan sem a ni a, Billie Eilish a che ṭha fal a, nominate a nihna category pasarihah award a la vek. A award lak zingah hian artist of the year, favorite female pop artist leh album of the year te an tel.

Awards ceremony hi Las Vegas-a Fontainebleau-ah neih a ni a, Jennifer Lopez-i'n a host a ni.

Lady Gaga leh Bruno Mars chuan award pathum ve ve lain award pahnih hi an thawh dunna 'Die With a Smile' aṭanga an dawn a ni. Award pahnih dawng thei hi Post Malone, SZA, The Weeknd, Bad Bunny, Beyoncé, Eminem leh Twenty One Pilots an awm bawk. Nomination paruk hmutu leh, American Music Awards 40 zet lo dawng tawh, Taylor Swift erawh kumin chu a hawihil ve thung. Nomination hmu hnem dang - Chappell Roan, Shaboozey leh Sabrina Carpenter-te pawhin engmah an hum haw ta bik lo.

Eminem chu favorite male hip-hop artist atan thlan niin, he award hi vawi li a dawnna a ni a, tluktu an la awm lo. The Weeknd pawhin a vawi lina atan favorite male R&B artist a dawng leh bawk.